Shaayari

Mausam tumhare shehar ka itna bhi sard na hoga
Aanch mere muhobbat ka tumhe mehsoos jaroor hoga
Ruswah bhale hi kar do tum meri muhobbat ko
Tere dil ke kisi kone mein yeh aabad jaroor hoga

Yon to baharon ke mausam kai baar hote hain
dil lagaane ko aashik hazaar hote hain
Mausam guzar jaate hain aashiq choot jaate hain
Muhobbat mein log ruswah kai baar hote hain

Diwanon se yon aankhen milane ki khata na kije
Unpe yon muskuraane ki khata na kije
Aankhon mein inke sailaab hote hain
Unme yon utar jaane ki khata na kije

Kuch dard beh jaate hain aankhon se
kuch palkon mein choot jaate hain
Log dil to tod jaate hain lekin
Yaaden chod jaaten hain

Khayalon ko kisi aahat ki aas rehti hai
nigaahon ko kisi surat ki pyaas rehti hai
Aaj jinda hain yeh bhi hai unki innayat
Unke aane ke ummeed pe yeh saans rehti hai

Gam aisa de gayi ho ki ab muskura na payenge
Phir dobaara chahaton ki rasmen nibha na paayenge
Muhobbat lagne lagi hai ab koi khata hamen
Yeh dil dobaara ab kahin hum lagaa na payenge

Jo pyaar na de sako to kuch sapne udhaar de do
Yeh jindagi jeene ki vajah yaar de do
Kat jaayegi yeh jindagi tere yaadon ke sahaare
Jo de sako to kuch lamhe udhaar de do

Unke bin jeene ke khayaal se darte hain
Kisi mod par unse bichadne ke sawaal se darte hain
Sochta hoon jindagi bhar ka saath maang loon
Par jaane kyon hum unke jawwab se darte hain

Tere bina hum jee to rahe hain
Gum ke aasoon pee to rahe hain
Mushkil hai jakhmon ka yon bharna
Jakhmon ko hum see to rahe hain

Seene main apne dard leke jeeten hain
Tere muhobbat ka marz leke jeete hain
Dil dhadakta hai mera bas tere naam se
Yeh saasen bhi ab tujse kaarzleke jeete hain

yon to muddat-e muhobbat jindagi se kam hoti hai
jindagi aksar gamon se tang hotin hain
yon to kaafi hai jindagi mein ek lamha muhobbat ka
muhobbat ke liye sau jindagi bhi kam hoti hain

Zindagi mein kuch aise bhi mod aate hain
Gujre hur daur sab yaad aate hain
Barson ke duruion ke baad bhi
Hum tujhe paas khada paate hain

dil ke is marz ko hum kya naam dein
deewangi kahen ya nadaangi karaar dein
tadap jaata hai yeh dil tere ek jikhr pe ek baat pe
ise muhobbat kahen ya tera naam dein

Ho jindagi lakeeron mein likhi to har lakeer pe tum milo
Ho takdeer kaisi bhi har tasveer mein tum milo
Mile har saans ko mere suhhobat tumhara
Jindagi na sahi to maut banke tum milo.

Ho tumhi se ye duniya,tumhi se sama ho
tere julfon ki ho chaanv aanchal aashiyyan ho
simat jaaye yeh duniya palkon mein tere
tere sason se fizayen aur aakhon mein jahaan ho.

jasbaaton ka kavi hoon dil se yaar likhta hoon
gunjte hain jo saaz dil mein bas wahi raag likta hoon
nashe mein muhobbat aur hosh mein dard yaar likhta hoon
jo bhi likta hoon kuch teri tasveer kuch meri taqdeer yaar likhta hoon.

who ishq hi kya jo ashkon mein beh jaaye
dard jiska waqt marham ban jaaye
ho jiski na sason ko jarroorat
who ishq hi kya jo jindagi na ban jaaye

jo tere saath baithen to baten khatam na hon
akhon mein utar jayen to raten khatam na hon
tham jaaye yeh duniya ek hassin pe tumhare
mil jaye jo tera saath to kabhi sasen khatam na hon
/dil ke tehkhane mein kabhi teri yaden khattam na hon

Umr bhar rahega hamen tujhe khone ka gum
Ankhon mein rahegi kuch nami hurdum
Jeete hain leke dil mein ek tasveer tumhaari
Jo gaar mit gayi teri tasveer to mit jaayenge hum

Baithen hain samete dard kitna par bayaan nahin hota
Rehti hain aankhen nam har waqt par zaayar nahin hota
Kya kahen ki jalte hain ishq mein har waqt lekin …….
Dhuan nahin hota

Saahil pe ghar na banaao………..
lehron mein ghul jaayenge
Aankhon mein khwaab na sajaao………
Ashkon mein dhul jaayenge

Kitne khwaab dekhe kitne toot gage
Haaton mein aake jugnoo jaane kitne choot gaye
Bade shauk se piroya tha khwabon ka tana bana
Waqt ke haton jaane dhaage kitne toot gaye
…Jindagi ke safar mein saathi kitne chooth gaye

Hai Magar yeh bhi sach
…ki toothte hain khwaab lekin mithte nahin
waqt ke dhool tale bas woh dikhte nahin
Reh jaate kuch yaad banke kuch fariaad banke
…kuch ashk banke kuch aks banke
Mith jaata hai aadmi lekin… khwaab mithte nahin

Hamen ab dard ki chaahat ho chali hai
Muhobbat mein roz jalne ki aadat ho chali hai
Ashkon ke bin ab anjaan lagti hain aankhen
Unki berukhi ab jaroorat ho chali hai….

Tera dard ab jaroorat ho chala hai
Dard dil ka ab sakoon ho chala hai
Bhulayen tumhen ya khud ko mita den
Tu hi jism aur tu hi rooh ho chala hai

Dekhta hoon jidhar bhi dikhta hai bas tu
Milta hoon jisise milta hai bas tu
Kisko dekhoon aur kis se miloon ab
Yeh jahaan ab tera aks, tera aayina ho chala hai

Gehren hai nishaan dil pe
Waqt ke haaton yeh mitenge nahin
Dafn kar do... jala do hamen
Tu hi ab mera vajood ho chala hai
Tuhi shaksiyat tu hi milkiyat
Tu hi raasta... tu hi manzil ho chala hai
Baithun kidhar ko ab karne ko sajda
Tu hi ab mera khuda ho chala hai

Jo hum roye bhi to jamana has pada

…kaha kya andaaze bayaan... kya hunr he tera

Paagal ho gaye ho aisa jaan padta hai
Uljhe hue jasbaat sab shayaran sa lagta hjai

Kya karen shikwa ki mar mita yeh dil kisi shamma-e-noor pe
Dhadkta jo ek umr bhi to itna baghbaan na hota

Likne chale the shaayari jindagi likh gayi
Jaane kab kalam ki siyahi aansoo chakh gayi/askon mein ghul gayi